आपातकालीन गर्भनिरोधक के हो ?
आकस्मिक गर्भनिरोधक असुरक्षित यौनसम्पर्क पछि गर्भावस्था रोक्ने एक तरिका हो । यसलाई प्रायः बिहानपछिको चक्कीपनि भनिन्छ । आपतकालीन गर्भनिरोधक चक्कीहरू असुरक्षित यौनसम्पर्क गरेपछि १२० घण्टा (५ दिन) सम्ममा लिन सकिने चक्कीहरू हुन्। केही प्रकारका आकस्मिक गर्भनिरोधकहरूले यौन सम्पर्क पछि ७२ घण्टा (३ दिन) भित्र लिँदा राम्रो काम गर्छ।
आकस्मिक गर्भनिरोधक कसरी काम गर्छ ?
आपतकालीन गर्भनिरोधक चक्कीहरूले ओभ्युलेसनमा ढिलाइ गरेर गर्भ रोक्ने काम गर्छ । मासिक चक्रमा महिलाको अण्डा निस्कन्छ । यदि निषेचन र प्रत्यारोपण पहिले नै भइसकेको छ भने आकस्मिक गर्भनिरोधकले गर्भावस्थामा अवरोध गर्दैन। यसैले जतिसक्दो चाँडो लिनुपर्छ ।
आकस्मिक गर्भनिरोधकले गर्भावस्था रोक्न कत्तिको राम्रोसँग काम गर्छ ?
आकस्मिक गर्भनिरोधक चक्कि प्रयोग गर्ने प्रत्येक १०० महिला मध्ये १ वा २ महिला असुरक्षित यौनसम्पर्क गरेपछि ७२ घण्टा भित्र चक्की खाए तापनि गर्भवती हुनेछन्। यसले ९९ प्रतिशत मात्र ढुक्क काम गर्छ ।
ूबिहानपछि नाम केही हदसम्म भ्रामक छ । तपाईले आकस्मिक गर्भनिरोधक लिनका लागि अर्को बिहानसम्म पर्खनु पर्दैन। असुरक्षित यौनसम्पर्क पछि जतिसक्दो चाँडो लिँदा आपतकालीन गर्भनिरोधक सबैभन्दा प्रभावकारी हुन्छ। आकस्मिक गर्भनिरोधक खाएपछि फेरि असुरक्षित यौनसम्पर्क भएमा आकस्मिक गर्भनिरोधकले गर्भावस्थालाई रोक्न सक्दैन। केही घण्टा अघि औषधि खाएकै छ । फेरि यौनसम्पर्क गरौं भन्ने भ्रममा पर्नुभयो भने गर्भवती हुन सक्नुहुन्छ । आकस्मिक गर्भनिरोधकले सबै गर्भधारणलाई रोक्दैन। त्यसैले यदि तपाईंले भ्ऋएक लिइसकेपछि अर्को अपेक्षित अवधि प्राप्त गर्नुभएन भने डाक्टरलाई हेर्नुहोस्।
आकस्मिक गर्भनिरोधक गर्भ मात्र रोक्न हो
आपतकालीन गर्भनिरोधकले यौन रोग तथा एचआईभी रोक्दैन । यौनसम्पर्क गर्ने जोडीहरूले अरु जन्म नियन्त्रण विधि प्रयोग गरेपनि यौन रोग र एचआईभी एड्स जस्ता घातक रोगबाट बच्न सधैं कण्डम प्रयोग गर्नुपर्छ।
आकस्मिक गर्भनिरोधकका साइड इफेक्टहरू
आकस्मिक गर्भनिरोधकले केही दिनका लागि केही साना साइड इफेक्टहरू निम्त्याउन सक्छ । जस्तै
वाकवाकी
वान्ता
स्तन कोमलता
टाउको दुखाइ
स्पटिङ
यी सामान्य लक्षण हुन् । धेरैजसो १ देखि २ दिन भित्रमा सुधार हुन्छन्। आकस्मिक गर्भनिरोधक लिइसकेपछि केटीको महिनावारी अस्थायी रूपमा अनियमित हुन सक्छ। आत्तिनु पर्दैन । तर एक महिनापछि गर्भ जाँच गर्न जरुरी छ । किनकी तपाई नै एक प्रतिशत भित्र पर्नुभयो र गर्भ रह्यो भने अनिच्छित गर्भको भागिदार बन्नुपर्ने हुन्छ ।