- अमेरिकी डलरको मूल्य हालसम्मकै उच्च १३४ रुपैयाँ ६६ पैसा पुगेको छ।
- अघिल्लो दिनको तुलनामा डलरको मूल्य २ पैसाले बढेको हो।
- राष्ट्र बैंकले अन्य विभिन्न विदेशी मुद्राहरूको पनि नयाँ विनिमय दर सार्वजनिक गरेको छ।
काठमाडौं । अमेरिकी डलरको मूल्य बढ्ने क्रम जारी छ । नेपाल राष्ट्र बैंकले मंगलबारका लागि एक अमेरिकी डलरको बिक्रीदर मूल्य १३४ रुपैयाँ ६६ पैसा तोकेको छ ।
अघिल्लो दिनको तुलनामा यो २ पैसा बढी हो भने अहिलेसम्मकै उच्च हो । खरिददर मूल्य १३४ रुपैयाँ ६ पैसा छ । त्यस्तै क्यानेडियन डलरको बिक्रीदर मूल्य ९८ रुपैयाँ ११ पैसा तथा अस्ट्रेलियन डलरको ८८ रुपैयाँ ८७ पैसा छ ।
यस दिनका लागि साउदी अरेबियन रियालको बिक्रीदर मूल्य ३५ रुपैयाँ ८७ पैसा तोकिएको छ भने खरिददर मूल्य ३५ रुपैयाँ ७२ पैसा छ । कतारी रियालको बिक्रीदर मूल्य ३६ रुपैयाँ ९३ पैसा छ भने खरिददर मूल्य ३६ रुपैयाँ ७६ पैसा तोकिएको छ ।
युएई मुद्रा दिरामको बिक्रीदर मूल्य ३६ रुपैयाँ ६६ पैसा तथा खरिददर मूल्य ३६ रुपैयाँ ५० पैसा छ । मलेसियन रिंगिटको बिक्रीदर मूल्य ३० रुपैयाँ २२ पैसा तथा खरिददर मूल्य ३० रुपैयाँ ९ पैसा तोकिएको छ ।
